هذه القصيدة الرائعة للشاعر الذي لا يشق له غبار في شعر الرثاء في شعرنا الشعبي
إنه الرائع (أحمد ارميله) أتمنى أن تنال إعجابكم و تسامحوني إن وجدتم بها أخطاء
يادار ما ينجالك يبقوا أتقول قدامي بعد نلفالك ...اعزاز باعدوا
*يا دار حايطبك عجاج يكنس ماريت حاجة في جباك اتونس
ما أتقول فيك أذَن شريف أمجنس/فاهم جميع أنصوص مذهب مالك..
ولا أتقول صيادك معاك تخنس/عقاب النهار غزال في مظلالك..
ولا أتقول ف أيام الربيع العنس/وطنك ولازرن غلام اقبالك..
*يا دار برقايا اليوم أبقيتي متسلط عليك عجاج نين أغبيتي..
علي هلك في حقك إن كان بكيتي/تباكوا عليهم واجدين أمثالك..
الدايم الله أتخوفي تميتي/متمولسات ما فيهن مضاق اسهالك..
وماتقولشي عمرك نواجع ريتي/ولاسرحن لا حاشن عليك ايبالك..
*يا دار جيتك لافي جية امبات وما لقيت اولافي..
مردوم كيفهم سافي عليه السافي/لقيت حفر ناياتك أسنين اقبالك..
وحاس المدار عندي وزاد ريافي/بهتت واجد ما نظرت أرجالك..
ولا لقح رايض بين قور مكافي/خراريمهن سيل البداري دالك..
*يا دار ماني مابي ننسى سريب من ضاعن وراه أتعابي..
ونا كنت منه ع المكاسب عابي/نكرني و ما دور معاي مسالك..
ونريدك تعزيني علي غيابي/اللي ردمن جرتهم أسيوف أرمالك..
لقيتك عيابك شين كيف عيابي/والهالك يقول وما يعين الهالك..
*يا دار عدي من صعب لاماهم ملوك وسلاطين الزمان فناهم..
كان منتشر ماشي بعيد نباهم/بسيوف و عساكر مالكين ممالك..
وراحن جواريهم وتم ابناهم/من طول المدايد منتهي متهالك..
كيف هاللي ما بت العين بلاهم/اتطاطي علي امباتك ولا مقيالك..
*يا دار سافي دوره علي جبين يشاكع ابيض بحموره..
كما نار في فاهق خلا مكبوره/أتجيب المجبي ف الظلام الحالك..
خطور ناس حازنهم لحود قبوره/من يومن مشوا منك وشين خيالك..
*يا دار خايل زولا عيون النداوي وين ما جلو له..
ما يدوم في ملكه امفيت المولى/ناشي مهاوش غابتك واجبالك..
وما تريد تبقي دايمن منزوله/ولا بوصف واحد تمسكي معدالك..
ولانك علي غاشي كمل مسيوله/تباكن ابكا واجد عليه أطلالك..
*يا دار سمح الباسه مشيتلك القيتك م الجدب منهاسه..
ربيعك الزاهي جيت حاتم ياسه/وجا جيتي زعلان من عدالك..
لا لقي رغث بارم عليه اركاسه/ولا نجع منظرته أتزيد جمالك..
و أندير وين ما ريتك حذاك محاسه/أتقول بخطا بين و دين نسالك..
*يا دار عين الفالي خلين أوهامك من أنجوع لهالي..
علي قبل كانوا فيك راه اسوالي/ما يجيب لا يودر مثيل اسوالك..
وما عد أيريد يجيك منهم والي/ولا جيل يخلف جيلهم نلقالك..
(عليهم اشلي ديما خلا ف الخالي/نين يتقطع م النديب أجلالك)
*يا دار عين الجازي جيتك و ما قابل وريص اعزازي..
أبعاد النظر فيهم أنعوز تعازي/كسنهم الله دايم لحود أبدالك..
راية رجاهم شرطها متمازي/وأنت تريديهم يجو هيالك..
(ع العاقله اللي إن صار الخلاف يوازي/خذي العمر هو كله بكا قلنالك)
*يا دار جايل جيتك حزينه علي فقد الحباب ألقيتك..
فريق من تهايولي بعد حقيتك /يجي لحشر بوكسره ولا ولالك..
حتى لو عليهم كم عزا عزيتك/فرقاهم أنزال صعيب شاغل بالك..
و ما لقيت من وجهك إلا جيريتك/نقاص غيث عاماتك أمغير حالك..
*يا دار كيف سعته يريد ينزلوا فيك الحباب ايمته!!؟؟
بين كبر سن وموت راحو شتى/وأنت تعاني من اجداب جرالك..
نباتك أتقول أكملت زريعته/كداوي تراب ابيض ابقي ميالك..
(قباله علي شانك العين تعتا/تسيل وين ما تحكي علي موالك)
*يا دار مو متواري مفتوح ما غلق فاهق أسماح الطاري..
نيسة الطرقي في زمانك ضاري/وأنت سعته تعجبي نزالك..
م الرامص اللي عوده أتقول وزاري/سراحك إيجي جايب جدان غزالك..
و اثنين وثلاثة وأربعه الحباري ريشهن شماوي/فوق من شعالك
واليوم وين ما زرتك خذيت نهاري/حنين من تسوتيهك و طول اكلالك..
*يا دار ما نحسابه يبقى علي مواهيمك طويل غيابه..
النجع النظيف اللي قرا شيابه/يونس الماسي في أربوع أرجالك..
ويا ما عقاب الليل وحيك جابه/الذاهب علي قيس الصياح مشالك..
و يا ما علي غفلة فريقك نابه/امهاوي منين اشرف نظر قفالك..
*يا دار حيه ليالي جيتك وجا حيط النضيد اقبالي..
(وحاس المدار عندي أضايق بالي/من خلوك اللي منه الذيب شكالك)
ما حال دايم هالجناح الجالي/جيلهم فنا و أنت هلب ميجالك..
ورا هلك يا ريته الله العالي/كنسك وين ما شالوا دبشم شالك..
*يا دار ماني ناسي أسماح الهلل عند العصير الماسي..
قدام نجع بوسالف أسفي متواسي/اللي معاه ودعتي شبوب دلالك
وجيتك ونا عايب وشايب راسي/وتايب انكان اتبعي نفتالك..
خذي في فنا ناسك عزا من ياسي/وحطي مذاريك علي بنتالك..
يادار ما ينجالك يبقوا أتقول قدامي بعد نلفالك اعزاز باعدوا
إنه الرائع (أحمد ارميله) أتمنى أن تنال إعجابكم و تسامحوني إن وجدتم بها أخطاء
يادار ما ينجالك يبقوا أتقول قدامي بعد نلفالك ...اعزاز باعدوا
*يا دار حايطبك عجاج يكنس ماريت حاجة في جباك اتونس
ما أتقول فيك أذَن شريف أمجنس/فاهم جميع أنصوص مذهب مالك..
ولا أتقول صيادك معاك تخنس/عقاب النهار غزال في مظلالك..
ولا أتقول ف أيام الربيع العنس/وطنك ولازرن غلام اقبالك..
*يا دار برقايا اليوم أبقيتي متسلط عليك عجاج نين أغبيتي..
علي هلك في حقك إن كان بكيتي/تباكوا عليهم واجدين أمثالك..
الدايم الله أتخوفي تميتي/متمولسات ما فيهن مضاق اسهالك..
وماتقولشي عمرك نواجع ريتي/ولاسرحن لا حاشن عليك ايبالك..
*يا دار جيتك لافي جية امبات وما لقيت اولافي..
مردوم كيفهم سافي عليه السافي/لقيت حفر ناياتك أسنين اقبالك..
وحاس المدار عندي وزاد ريافي/بهتت واجد ما نظرت أرجالك..
ولا لقح رايض بين قور مكافي/خراريمهن سيل البداري دالك..
*يا دار ماني مابي ننسى سريب من ضاعن وراه أتعابي..
ونا كنت منه ع المكاسب عابي/نكرني و ما دور معاي مسالك..
ونريدك تعزيني علي غيابي/اللي ردمن جرتهم أسيوف أرمالك..
لقيتك عيابك شين كيف عيابي/والهالك يقول وما يعين الهالك..
*يا دار عدي من صعب لاماهم ملوك وسلاطين الزمان فناهم..
كان منتشر ماشي بعيد نباهم/بسيوف و عساكر مالكين ممالك..
وراحن جواريهم وتم ابناهم/من طول المدايد منتهي متهالك..
كيف هاللي ما بت العين بلاهم/اتطاطي علي امباتك ولا مقيالك..
*يا دار سافي دوره علي جبين يشاكع ابيض بحموره..
كما نار في فاهق خلا مكبوره/أتجيب المجبي ف الظلام الحالك..
خطور ناس حازنهم لحود قبوره/من يومن مشوا منك وشين خيالك..
*يا دار خايل زولا عيون النداوي وين ما جلو له..
ما يدوم في ملكه امفيت المولى/ناشي مهاوش غابتك واجبالك..
وما تريد تبقي دايمن منزوله/ولا بوصف واحد تمسكي معدالك..
ولانك علي غاشي كمل مسيوله/تباكن ابكا واجد عليه أطلالك..
*يا دار سمح الباسه مشيتلك القيتك م الجدب منهاسه..
ربيعك الزاهي جيت حاتم ياسه/وجا جيتي زعلان من عدالك..
لا لقي رغث بارم عليه اركاسه/ولا نجع منظرته أتزيد جمالك..
و أندير وين ما ريتك حذاك محاسه/أتقول بخطا بين و دين نسالك..
*يا دار عين الفالي خلين أوهامك من أنجوع لهالي..
علي قبل كانوا فيك راه اسوالي/ما يجيب لا يودر مثيل اسوالك..
وما عد أيريد يجيك منهم والي/ولا جيل يخلف جيلهم نلقالك..
(عليهم اشلي ديما خلا ف الخالي/نين يتقطع م النديب أجلالك)
*يا دار عين الجازي جيتك و ما قابل وريص اعزازي..
أبعاد النظر فيهم أنعوز تعازي/كسنهم الله دايم لحود أبدالك..
راية رجاهم شرطها متمازي/وأنت تريديهم يجو هيالك..
(ع العاقله اللي إن صار الخلاف يوازي/خذي العمر هو كله بكا قلنالك)
*يا دار جايل جيتك حزينه علي فقد الحباب ألقيتك..
فريق من تهايولي بعد حقيتك /يجي لحشر بوكسره ولا ولالك..
حتى لو عليهم كم عزا عزيتك/فرقاهم أنزال صعيب شاغل بالك..
و ما لقيت من وجهك إلا جيريتك/نقاص غيث عاماتك أمغير حالك..
*يا دار كيف سعته يريد ينزلوا فيك الحباب ايمته!!؟؟
بين كبر سن وموت راحو شتى/وأنت تعاني من اجداب جرالك..
نباتك أتقول أكملت زريعته/كداوي تراب ابيض ابقي ميالك..
(قباله علي شانك العين تعتا/تسيل وين ما تحكي علي موالك)
*يا دار مو متواري مفتوح ما غلق فاهق أسماح الطاري..
نيسة الطرقي في زمانك ضاري/وأنت سعته تعجبي نزالك..
م الرامص اللي عوده أتقول وزاري/سراحك إيجي جايب جدان غزالك..
و اثنين وثلاثة وأربعه الحباري ريشهن شماوي/فوق من شعالك
واليوم وين ما زرتك خذيت نهاري/حنين من تسوتيهك و طول اكلالك..
*يا دار ما نحسابه يبقى علي مواهيمك طويل غيابه..
النجع النظيف اللي قرا شيابه/يونس الماسي في أربوع أرجالك..
ويا ما عقاب الليل وحيك جابه/الذاهب علي قيس الصياح مشالك..
و يا ما علي غفلة فريقك نابه/امهاوي منين اشرف نظر قفالك..
*يا دار حيه ليالي جيتك وجا حيط النضيد اقبالي..
(وحاس المدار عندي أضايق بالي/من خلوك اللي منه الذيب شكالك)
ما حال دايم هالجناح الجالي/جيلهم فنا و أنت هلب ميجالك..
ورا هلك يا ريته الله العالي/كنسك وين ما شالوا دبشم شالك..
*يا دار ماني ناسي أسماح الهلل عند العصير الماسي..
قدام نجع بوسالف أسفي متواسي/اللي معاه ودعتي شبوب دلالك
وجيتك ونا عايب وشايب راسي/وتايب انكان اتبعي نفتالك..
خذي في فنا ناسك عزا من ياسي/وحطي مذاريك علي بنتالك..
يادار ما ينجالك يبقوا أتقول قدامي بعد نلفالك اعزاز باعدوا
ليست هناك تعليقات:
إرسال تعليق